БСШУС-ын тушаалын дагуу Сайнцагаан сумын ерөнхий боловсролын 5 сургуулийн 9, 12 дугаар ангийн 26 бүлгийн 726 сурагчид "Эрдмийн баяр"-аа аймгийн төв талбайд тэмдэглэлээ. Энэ үеэр сурлага, урлаг, спортын авъяасаар манлайлсан  Мандал сургуулийн сурагч Б.Алтангэрэлийг аймгийн Засаг даргын Жуух бичгээр , Сайнцагаан сумын шилдэг хүүхдээр “Эрдмийн далай” цогцолбор сургуулийн 12в ангийн сурагч Э.Банзрагч, “Говийн ирээдүй” цогцолбор сургуулийн 12б ангийн сурагч Ж.Долгорсүрэн, Хүмүүнлэгийн сургуулийн 12б ангийн сурагч Б.Баярбат, МГСС-ийн 12а ангийн сурагч Г.Жамъян, Мандал сургуулийн 12а ангийн сурагч Ө.Наранжаргал нарыг тодруулж шагналаа. “Эрдмийн баярын” үеэр авьяаслаг хүүхдүүдийн урлагийн тоглолтыг зохион байгуулж нийтэд сонирхуулав.