Аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Хууль зүй дотоод хэргийн яам, аймгийн Цагдаагийн газраас хамтран " Мал хулгайлах гэмт хэрэгтэй тэмцэх, урьдчилан сэргийлэх  ажлыг эрчимжүүлж , байгууллага иргэдийн оролцоог сайжруулья" сэдэвт зөвлөгөөнийг 2017 оны 06 сарын 05-ны өдөр Сүхбаатар аймгийн төвд зохион байгуул- лаа. Уг зөвлөгөөнд аймгийн ГХУСАЗ салбар зөвлөл, Цагдаагийн газар, Прокурор, Шүүх, аймгийн ЗДТГ-ын Хууль эрх зүйн хэлтэс , Шийдвэр гүйцэтгэх алба, Хүнс хөдөө аж ахуйн газар, Мэргэжлийн хяналын газар зэрэг байгууллагууд , 13 сумын ИТХ-ын дарга бөгөөд сумын ГХУСАЗ салбар зөвлөлийн дарга нар, малчдын төлөөлөл болох 63 малчид оролцож илтгэл тавьж, мэдээлэл хийн малын хулгайн гэмт хэрэгтэй тэмцэх , шалтгаан нөхцлийг судлан энэ төрлийн гэмт хэргээс урьдчилан сэргийлэх ажлыг хэрхэн  оновчтой хэлбэрээр зохион байгуулах талаар харилцан ярилцсаны эцэст зөвлөгөөнөөс УРИАЛГА гарган хамтран ажиллахаар боллоо.