Аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн 2017 оны 2 дугаар хуралдаан 2017 оны 06 сарын 06-ны өдрийн 11.00 цагт аймгийн ИТХ-ын даргын албан өрөөнд болов. Хуралд ХЗДХЯ-ны ГХУСАЗЗ-ийн ажлын албаны ахлах мэргэжилтэн М. Отгонжаргал оролцож дараахь танилцуулга хийлээ. Үүнд : ХЗДХЯ, аймгийн ГХУСАЗ салбар зөвлөл , Цагдаагийн газар хамтран Баруун-Урт суманд 2017 оны 06 сарын 05-нд зохион байгуулсан " Мал хулгайлах гэмт хэрэгтэй тэмцэх, урьдчилан сэргийлэх ажлыг эрчимжүүлж, байгууллага иргэдийн оролцоог сайжруулъя"сэдэвт зөвлөгөөнд оролцсон талаар , Гэр бүлийн хүчирхийлэлтэй тэмцэх тухай хуулийн шинэчилсэн найруулгыг баталсантай холбогдуулан хуулийг хэрэгжүүлэх талаар Сүхбаатар аймагт зохион байгуулж буй ажилд хийсэн шалгалтын талаар, Аймгийн ГХУСАЗ салбар зөвлөлийн ажлыг шалгасан талаар  мэдээлэл хийлээ. Мөн ХЗДХЯ-ны ГХУСАЗЗ-өөс хийж хэрэгжүүлж буй ажлын талаар товч мэдээлэл хийж , аймгийн ГХУСАЗ салбар зөвлөлөөс цаашид анхаарч ажиллах талаар чиглэл өглөө. Аймгийн ГХУСАЗ салбар зөвлөлийн гишүүдтэй харилцан ярилцлага зохиож , тэдний санал хүсэлтийг сонсов.