Аймгийн МХГазар, ЗДТГ, Ажил олгогч эздийн холбоотой хамтран хөдөлмөрийн аюулгүй байдлын чиглэлээр " Нэн түрүүнд ХАБ-2017" бага хурлыг  06 сарын 12-ны өдөр Сүхбаатар аймгийн Баруун-Урт суманд   анх удаа зохион байгуулав.  Бага хуралд   : Аймгийн ИТХ-ын дарга Б. Мөнхбат, Аймгийн Засаг даргын орлогч Т. Амарбаатар болон аймаг орон нутгийн удирдлагууд ,  төрийн болон төрийн бус  байгууллагын төлөөлөл, уул  уурхай,  барилга, жижиг дунд үйлдвэрлэл эрхлэгчид, худалдаа  үйлчилгээний салбарынхан зэрэг 80 гаруй төлөөлөгчид хүрэлцэн ирж,  " Хунша и жань" ХХК, " Бадмаараг хаш"ХХК, " Эм эл цахиурт овоо" ХХК, " Эрдэнийн босго" ХХК -иуд идэвхийлэн   оролцсон байна.  Бага хурлын үеэр олон  сэдвийг онцлон ярилцаж,  санал, асуулт явуулж, хэлэлцүүлэг өрнүүлсэн чухал арга хэмжээ болов. " ХАБЭА-н удирдлагын тогтолцоо эздийн гүйцэтгэх үүрэг оролцоо" , " Хөдөлмөрийн аюулгүй байдлын өнөөгийн нөхцөл байдал, цаашдын чиг хандлага" , "Тоосжилттой холбоотой шинээр батлагдсан стандарт", "ХАБ-ын бодлого хэрэгжүүлж буй ажлууд" зэрэг  сэдвүүдээр илтгэл , танилцуулга хийсэн нь чухал ач холбогдолтой үйл ажиллагаа боллоо.