" Монгол Улсын Үндсэн хуульд нэмэлт өөрчлөлт оруулах асуудлаар ард түмний бүрэн эрхт байдал, оролцоог хангах тухай " тогтоолын дагуу  УИХ-аас 12 хүний бүрэлдэхүүнтэй ажлын хэсэг Сүхбаатар аймгийн Баруун-Урт, Дарьганга сумдад бүх   сумдаас төлөөлөл оролцуулан сургалт, хэлэлцүүлэг зохион байгуулав. Сургалтанд хамрагдсан сумдын удирдлагууд сумдад мөн хэлэлцүүлэг зохион байгуулж иргэдээс санал асуулгын хуудсаар саналыг авч нэгтгэн боловсруулж, холбогдох газарт хүргүүлэх юм байна.  Дарьганга суманд 8-р сарын 4-нд   болсон сургалт, хэлэлцүүлэгт  Наран, Онгон, Эрдэнэцагаан, Халзан, Баяндэлгэр сумдын ИТХ-ын дарга, Засаг дарга, Тамгын газрын дарга, Иргэдийн  төлөөлөл , Дарьганга сумын удирдлагууд болон албан газрын дарга, Иргэдийн  төлөөлөл оролцлоо . Хэлэлцүүлэгт оролцсон иргэдээс асуулт  асууж, санал бодлоо илэрхийлэв. Иргэдийн асуултанд УИХ-ын Хууль зүйн ажлын албаны зөвлөх П. Амаржаргал, УИХ-ын Нийгмийн бодлого, боловсрол, соёл, шинжлэх ухааны байнгын хорооны ажлын албаны ахлах зөвлөх Л. Лхагвасүрэн нар хариулт өгөв. Монгол Улсын Үндсэн хуульд оруулах нэмэлт өөрчлөлтийн төслийн сургалт, хэлэлцүүлэг амжилттай болж өндөрлөв.