Аймгийн ИТХ-ын ээлжит V хуралдаан үргэлжлэн хуралдаж.....

2018-03-13

Аймгийн ИТХ-ын ээлжит V хуралдаан өмнө нь хаалттай горимоор хуралдаж байгаад завсарласан тул 2018 оны 03 дугаар сарын 12-ны өдөр хаалттай горимоор үргэлжилж хэлэлцэх асуудлын нэгдүгээрт Аймгийн " Засаг даргыг огцруулах" асуудлыг оруулахаар олонхиороо шийдвэрлэж, улмаар нийт төлөөлөгчдийн 62,5 хувиар Засаг дарга З.Энхтөрийг огцрууллаа. Төлөөлөгчдийн гаргасан саналын дагуу Засаг даргад нэр дэвшүүлэх асуудлыг хэлэлцэж, 2004-2008 онд аймгийн Засаг даргаар ажиллаж байсан Раднаа овогтой Эрдэнэцогтыг 65,6 хувийн саналаар Засаг даргад нэр дэвшүүлж, Монгол Улсын Ерөнхий сайд У.Хүрэлсүхэд уламжлахаар шийдвэрлэлээ. Шинэ Засаг даргыг батламжлах эсэх тухай шийдвэр гартал V хуралдаанаар хэлэлцэхээр төлөвлөсөн 2018 оны аймгийн төсөв, нийгэм, эдийн засгийг хөгжүүлэх 2018 оны Үндсэн чиглэл зэрэг асуудлыгхэлэлцэх боломжгүй тул Ардчилсан намын бүлэг хуралдаанаас завсарлага авч байгаагаа мэдэгдсэнээр хурал завсарлалаа. Хурлын үргэлжлэл нээлттэйгээр үргэлжилнэ.