Сүхбаатар аймгийн хэмжээнд үйл ажиллагаа явуулж буй ашигт малтмал,газрын тосны хайгуул, ашиглалтын тусгай зөвшөөрөл эзэмшигч болон нутгийн захиргааны байгууллагын төлөөлөлтэй хийх уулзалт 2018.03.12-ны өдөр аймгийн Нутгийн Удирдлагын ордны хурлын танхимд боллоо. Уулзалтанд аймгийн ИТХ-ын дарга Б.Мөнхбат, Тэргүүлэгч Ч.Ганзориг, Д.Амарбаясгалан болон аймгийн Засаг дарга З.Энхтөр, ажлын хэсгийн ахлагч орлогч дарга Т.Амарбаатар, зарим сумдын Засаг дарга нар оролцож аймгийн нутаг дэвсгэрт ашигт малтмалын хайгуул, ашиглалтын тусгай зөвшөөрөл эзэмшигч аж ахуйн нэгж компаниудад Ашигт малтмалын тухай, Газрын тосны тухай, Газрын хэвлийн тухай, Байгаль орчныг хамгаалах тухай хууль болон бусад холбогдох хууль тогтоомжийн хэрэгжилт ямар байгаатай танилцах, холбогдох мэргэжлийн байгууллагуудын бүрэлдэхүүнтэйгээр шалган дүгнэлт, зөвлөмж, чиглэл өгөх, Засгийн газрын 2016 оны 179 дүгээр тогтоолын дагуу тусгай зөвшөөрөл эзэмшигч болон нутгийн захиргааны байгууллагын хооронд хамтран ажиллах гэрээ байгуулах, санал солилцлоо.

Аймгийн ИТХ-ын дарга Б.Мөнхбат аймгийн хэмжээнд үйл ажиллагаа явуулж буй ашигт малтмал,газрын тосны хайгуул, ашиглалтын тусгай зөвшөөрөл эзэмшигч болон нутгийн захиргааны байгууллагын төлөөллүүдэд хандан аймгийн нутаг дэвсгэрт тээвэр хийж байгаа Петро чайна, Дайчин тамсаг, Цайрт минерал ХХК-уудад хүн амын эрүүл мэндэд сөрөг нөлөө үзүүлэхүйц үйл ажиллагаа явуулж байгааг хэлж Цайрт минерал ХХК-ны орон нутагт өгч байгаа 1,5 тэр бум төгрөгийг хангаллтай бус байна шүү хэмээн санууллаа .Мөн байгаль орчны нөхөн сэргээлтийн ажлыг "алтыг нь аваад авдрыг нь хаяна гэгчлэн" сайн гүйцэтгэхийг сануулан хуулийн цоорхойг ашиглаглахгүй байхыг анхааруулж мэргэжлийн байгууллагуудын өгсөн чиг үүргийг цаг хугацаанд нь биелүүл, хаалтын төлөвлөгөөгөө аймгийн удирдлагуудад танилцуулж байх, Мэргэжлийн хяналтын байгууллагыг шалгалтаа цөөрүүлж хариуцлагаа өндөржүүлж ажил гэх зэрэг үүрэг чиглэлүүдийг өглөө.

                                          ХӨТӨЛБӨР