Цагдаагийн албаны тухай хууль / шинэчилсэн найруулга/-д зааснаар аймгийн Иргэдийн Төлөөлөгчдийн Хурлын дэргэд ажиллах нутаг дэвсгэр хариуцсан цагдаагийн байгууллагын үйл ажиллагаанд иргэний болон олон нийтийн хяналт тавих үүрэг бүхий Иргэний зөвлөлийн гишүүний сонгон шалгаруулалтыг зарлаж байна.
Нэг. Тавигдах шаардлага:
Иргэний зөвлөлийн гишүүнд Цагдаагийн албаны тухай хууль /шинэчилсэн найруулга/-ийн 62 дугаар зүйлийн 62.3 дахь хэсэг “Иргэний зөвлөлийн гишүүн нь сүүлийн 5 жил цагдаа, прокурор, шүүгч, төрийн улс төрийн албан тушаал эрхэлж байгаагүй, ял шийтгэлгүй, ашиг сонирхлын зөрчилгүй Монгол Улсын иргэн байна” гэж заасан шаардлагыг хангасан тухайн нутаг дэвсгэрт сүүлийн 5 жил оршин сууж байгаа, эсхүл оршин суух бүртгэлтэй иргэн нэр дэвшинэ.
Хоёр. Бүрдүүлэх материал
Цагдаагийн албаны тухай хууль /шинэчилсэн найруулга/-ийн 62 дугаар зүйлийн 62.3 дэх хэсэгт заасан шаардлагыг хангасан иргэн дараах материалыг бүрдүүлж аймгийн иргэдийн Төлөөлөгчдийн Хурлын ажлын албанд 2018 оны 03 дугаар сарын 30 -ны өдрийн дотор ирүүлнэ. /Холбоо барих утас: 99017009, 88160063/ Үүнд:
2.1 Товч намтар /Төрийн албан хаагчийн анкет/
2.2 Цагдаагийн албаны тухай хууль /шинэчилсэн найруулга/-ийн 62 дугаар зүйлийн 62.4 дэх хэсэгт заасны дагуу ашиг сонирхлын урьдчилсан мэдүүлэх хуудас
Гурав.Бусад:
Иргэний зөвлөлд нэр дэвшсэн иргэдийн жагсаалт, товч намтарыг
1. “Khural.mn” сайт, мэдээллийн самбарт болон бусад цахим хуудсаар ил тод тавих
2. Сумын Иргэдийн Төлөөлөгчдийн хурал, баг хорооны Иргэдийн нийтийн хурлаар гэсэн 2 хэлбэрээр санал авах ажлыг зохион байгуулна.
АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН АЖЛЫН АЛБА