Сүхбаатар аймгийн Асгат сумын Баруун-Урт суман дахь нутгийн зөвлөлийн дарга Зээрднүүд овогт Паламын Мөнхжаргалын санаачилгаар Асгат нутгийн уугуул Ооёогийн хүү Жаахан шарга ХЖТ-ын гоцлол дуучин СТА Батболд  уран бүтээлийн тоглолтоо авъяаслаг ард түмэн бүхий Асгат нутгийн зон олондоо зориулж та бүхнийхээ оюуны мэлмийг баясгаж, сэтгэлийн чинь уянгыг хөглөхөөр бэлтгэлээ базааж байна..Энэхүү сайхан үйлсэд нутаг усаа дээдэлдэг Асгатчууд та бүхэн минь идэвхийлэн оролцож, нутгийн авъяастнаа дэмжин урлагийн тэнгэр Янжинлхам бурхнаа баярлуулаарай. Батболдынхоо уянга дууны дээжийг хүртэж, сайхан ая дууг нь сонсон сэтгэлийн таашаал эдэлж, нэгэн өдрийг өнгөрүүлэх нь бидний нутаг усаа гэсэн сэтгэлийн томоохон илэрхийлэл, нэгдэл болж чадах билээ. Хахир хатуу хаврын хавирга жиндэм жаврыг зөөллөж, та бүхнийхээ сэтгэлийн чилээг гаргаж, ядарсан бие, гундсан сэтгэлийг сэргээхэд энэ тоглолт өөрийн гэсэн үүргээ биелүүлж, баяр баясал нэмэх нь Батболдын маань гол зорилго байх болно.