Аймгийн Засаг даргын мөрийн хөтөлбөрийн хэрэгжилтийг хангах ажлын хүрээнд Баруун-Урт хотод нийтийн тээврийн үйлчилгээ нэвтрэх гэж байна.
Бэлтгэл ажлын хүрээнд 13 автобусны буудал, 26 зогсоолыг “Чулуут биндэр” ХХК барьж байгаа аж. Нийтийн тээвэр Спорт бэлтгэлийн төвөөс баруун, зүүн урагш, зүүн хойш гэсэн гурван чиглэлд өглөө 07.00-09.00, өдөр 12.00-13.00, орой 17.00-19.00 цагаас явах юм. 9 дүгээр сарын 15-наас дээрх чиглэлийн дагуу хүүхдэд 200, том хүнд 500 төгрөгөөр үйлчилнэ.