Аймгийн ИТХ-ын Тэргүүлэгчдийн хурлаас аймгийн ИТХ-ын 14 дүгээр тойрог буюу Баруун-Урт сумын 2 дугаар багт нөхөн сонгууль явуулахаар шийдвэр гаргаж, аймгийн сонгуулийн хороог байгуулсан. Аймгийн сонгуулийн хороо нь сонгууль зохион байгуулах цаг хугацааны хуваарийн дагуу 2018 оны 8 дугаар сарын 24-ний өдөр хуралдаж, нэр дэвшигчдийг бүртгэх эсэх асуудлыг хуралдаанаараа хэлэлцэн шийдвэрлэсэн байна. Ийнхүү аймгийн АН-аас нэр дэвшигч Жамба овогтой Батсуурь, МАН-аас нэр дэвшигч Санжаа овогтой Цэрэндондов нарыг нэр дэвшигчээр бүртгэж, МАХН-аас нэр дэвшигч Цагаанхүү овогтой Тод-Эрдэнийг Сонгуулийн тухай хуулийн 2 үндэслэлээр бүртгэхээс татгалзсан тогтоол гаргажээ. Түүнчлэн аймгийн Сонгуулийн хорооны дарга А.Чулуунбат, нарийн бичгийн дарга Х.Төмөрхуяг нар хуульд заасан хугацаанд буюу 2018 оны 8 дугаар сарын 28-ны өдөр нэр дэвшигчдийг аймгийн телевизүүдээр нийтэд мэдээлэв. Баруун-Урт сумын 2 дугаар багийн сонгогчид 2018 оны 10 дугаар сарын 7-ны ням гарагт саналаа өгөх юм.
Сүхбаатар аймгийн Иргэдийн Төлөөлөгчдийн хурал
Сүхбаатар аймгийн Иргэдийн Төлөөлөгчдийн хурал
Албан ёсны цахим хуудас Албан ёсны цахим хуудасАймгийн ИТХ-ын 14 дүгээр тойрогт болох нөхөн сонгуулийн талаар Сонгуулийн хороо мэдээлэл хийлээ.
2018-08-28
