Сүхбаатар аймгийн ИТХ-ын дэргэдэх иргэний зөвлөл шинэчлэгдэн байгуулагдаж, 2018 оны 10-р сарын 16-ны өдрийн 15 цагт анхны хурлаа хийлээ. Хуралд :  Иргэний зөвлөлийн гишүүн  Баруун-Урт сумын  7-р багийн иргэн Д. Сэнгэдорж,  Баруун-Урт сумын 1р багийн иргэн Д. Алтантуяа,  Баруун-Урт сумын 1-р багийн иргэн Н. Жанцанбалдан, Баруун-Урт сумын 4-р багийн иргэн  С. Адъяа нар оролцов.   Уг хурлаар : 1. Зохион байгуулалтын асуудал , 2. Иргэний Зөвлөлийн холбогдох тогтоол шийдвэрүүдийг танилцуулах, 3. Цаашид ажиллах үндсэн чиглэлийн тухай гэсэн асуудлуудыг ярилцав.
         Аймгийн ИТХ-ын ГХУСАЗЗ-ийн  мэргэжилтэн О. Батнасан аймгийн ИТХ-ын "Иргэний зөвлөлийг шинэчлэн байгуулах тухай " 33-р тогтоолыг  танилцуулж,   уг зөвлөл нь нутаг дэвсгэр хариуцсан Цагдаагийн байгууллагын үйл ажиллагаанд дэмжлэг үзүүлэн, хяналт тавин ажиллаж, үйл ажиллагааны тайлангаа хагас бүтэн жилээр аймгийн ИТХ-ын Тэргүүлэгчидэд тайлагнаж байх  тухай шийдвэрт тусгагдсан талаар танилцуулав.  Иргэний зөвлөлийн Тэргүүнийг далд санал хураалтаар 100%-ийн саналаар Баруун-Урт сумын 7-р багийн иргэн У. Болдхүүг , нарийн бичгийн даргаар Д. Алтантуяа нарыг тус. тус томилон ажиллуулахаар болов.