Глоб интернэшнл төвөөс хэрэгжүүлж буй “GSP+механикаар дамжуулж хүний эрх, хөдөлмөрлөх эрхийг хөхүүлэн дэмжих “ төслийн хүрээнд “ Орон нутгийн бизнес Европын холбооны зах зээлд гарах боломж” сэдэвт  уулзалт зохион байгуулав. Хүний эрхийн үндэсний комисс , Глоб интернэшнл төв хамтран зохион байгуулсан уулзалтанд Аймгийн ИТХ-ын дарга Б. Мөнхбат, Засаг даргын тамгын газар, Иргэдийн нийтийн хурал , Монголын үндэсний худалдаа аж үйлдвэрийн танхимын төлөөлөл, Хүний эрхийн үндэсний комиссын төлөөлөл”  орон нутгийн бизнэс эрхлэгчид , хэвлэл мэдээллийн байгууллагын төлөөллөөс бүрдсэн 30 гаруй хүн оролцлоо.  Тус уулзалтаар орон нутгийн бизнес эрхлэгчдэд Европын зах зээлд бүтээгдэхүүнээ экспортлох эдийн засгийн үр өгөөжийн талаар түлхүү мэдээлэл олгов. GSP+механизмын ашиглалтыг орон нутгийн түвшинд дээшлүүлэх нь бизнес эрхлэгчдэд үйл ажиллагаагаа тэлэх томоохон болохжийг олгохоос гадна тухайн бүсийн эдийн засгийн тогтвортой өсөлтболоод хүний эрхийн нөхцөл байдлыг нь дээшлүүлэхэд чухал ач холбогдолтой гэж төсөл хэрэгжүүлэгч байгууллагаас үзэж байгаа юм.