Дэлхийн байгаль хамгаалах сангаас “Хүрээлэн байгаа орчны эсрэг гэмт хэргээс урьдчилан сэргийлэх нь” сэдэвт зөвлөгөөнийг зүүн бүсийн аймгуудын Гэмт хэргээс урьдчилан сэргийлэх ажлыг  зохицуулах зөвлөлийн хүрээнд 2019 оны 11 дүгээр сарын 10-ны өдөр Сүхбаатар аймагт  зохион байгууллаа. Уг зөвлөгөөнд  Дэлхийн байгаль хамгаалах сангийн Монгол дахь хөтөлбөрийн газрын  зүүн бүсийн салбарын захирагч Б.Баясгалан, хуулийн зөвлөх н.Бат-Өлзий Сүхбаатар аймгийн ИТХ-н дарга Б.Мөнхбат, Хэнтий аймгийн ИТХ-н дарга Л.Батсайхан, Дорнод аймгийн ИТХ-н дарга Л.Хишигтогтох болон аймгуудын Гэмт хэргээс урьдчилан сэргийлэх ажлыг зохицуулах зөвөлийн гишүүд оролцов. Хүрээлэн байгаа орчны эсрэг гэмт хэргээс урьдчилан сэргийлэх чиглэлээр болон бүс нутгийн хэмжээнд цагаан зээрийн тархацыг нэмэгдүүлэх, хууль бус анг таслан зогсоох чигллэээр  харилцан  туршлага солилцон ажлын чиглэл гаргалаа.
        Хэнтий аймгийн Гэмт хэргээс урьдчилан сэргийлэх ажлыг зохицуулах зөвлөл нь “Хүрээлэн байгаа орчны эсрэг гэмт хэргээс урьдчилан  сэргийлэх дэд зөвлөл” байгуулан уг зөвлөл Дэлхийн байгаль хамгаалах сантай хамтран энэ төрлийн гэмт хэргээс урьдчилан сэргийлэх чиглэлээр тодорхой ажил зохион байгуулсан байна. Энэ сайн туршлагагыг хэрэгжүүлэн ажиллах талаар зөвлөгөөн зохион байгуулсан аймгуудын Гэмт хэргээс урьдчилан сэргийлэх ажлыг зохицуулах салбар зөвлөлүүд туршлага  солилцов.