Аймгийн ИТХ-ын дарга Б. Мөнхбат  Монгол цэргийн бахархалын баярын  өдрийг тохиолдуудан Мэндчилгээ дэвшүүлж, Зэвсэгт хүчин, хууль хяналтын байгууллагад олон жил идэвхи зүтгэл, үр бүтээлтэй ажилласан иргэдийг Аймгийн ИТХ-ын “Хүндэт тэмдэг”-ээр шагнаж урамшууллаа. 
                                               
                                       Мэндчилгээ

       Орчин цагийн Зэвсэгт хүчин үүсэн байгуулагдсаны 99 жилийн ойн баяр өнөөдөр тохиож байна. Эх орныхоо эрх чөлөө, тусгаар тогтнолын төлөө цогтой тэмцэж ирсэн үе үеийн халуун эх орончдын үргэлжлэл болж, эх орноо батлан хамгаалах хариуцлагатай бөгөөд хүндтэй үйл хэргийг  гүйцэтгэж буй  Зэвсэгт хүчний бүрэлдэхүүн, цэргийн албан хаагчид, нийт  эрчүүддээ Монгол цэргийн бахархалын  өдрийн баярын мэндийг хүргэе.