Хурандаа Генерал Жамсрангийн Ёндонгийн намтраас товчхон дурьдахад: Тэрбээр 1923 оны 03 сарын 18-ны өдөр Эрдэнэ уулын хийд буюу Эрдэнэ гүний хийд хуучин Сэцэн хан аймгийн Далай вангийн хошуу, одоогийн Сүхбаатар аймгийн Мөнххаан сумын нутаг “Ханан” хэмээх газар Жамсрангийн гэр бүлд төржээ. 1940 онд 17 настайдаа өөрийн хүсэлтээр цэрэгт явж Дорнод аймгийн Тамсаг булаг дахь 6-р морьт дивизийн 15-р морьт хороонд цэрэг, бага дарга байсан. Жагсаалын цэргээсхурандаа генерал, бага даргаас Батлан хамгаалах яамны сайд  хүртэл жирийн бус “хүнд” замыг өгсөж дэвших замаар туулсан юм.

      Ж. Ёндон генерал  төрсөн нутаг Мөнххаан сумынхаа нэрийг өргөж “Мөнххааны Ёндон” хэмээн нэрлүүлж байсан шигээ Монголын ард түмэн, цэргийнхний дунд “Рапорт Ёндон, жагсаалч Ёндон” хэмээн хүндлүүлж чадсан цэргийн Жанжин билээ. Тэрээр 1945 оны Чөлөөлөх дайнд Сумангийн улс төрийн орлогчоор оролцож байсан ахмад дайчин юм. БНМАУ-ын Ардын Их хурлын депутатаар удаа дараа сонгогджээ. Манай улс нийт 9 хүнд БНМАУ-ын Хурандаа генерал цол олгосны 9 дэх нь Ж. Ёндон ажээ. Түүний 90 насны ойг 2013 онд төрөлх нутаг Мөнххаан суманд тэмдэглэн өнгөрүүлсэн билээ.

     Хурандаа генерал Жамсрангийн Ёндонгийн тухай номонд " Миний цэргийг Эцэг тэнгэр өршөөг, Этүгэн газар ивээг"  хэмээн хэлсэн үг нь залуу үеийг эх оронч үзлээр хүмүүжүүлэх сургаал болж,  чихэнд эгшиглэх сүлдэн их хуурын татлага лугаа өнөөдөр ч бидний дунд амьдарсаар л ...