Бид хоногийн 24 цагийн 33 хувийг ажлын байран дээрээ, 17 хувийг амралт чөлөөт цагтаа, найман хувийг ажилдаа ирж очихдоо, 42 хувийг унтаж амрахдаа зарцуулдаг гэдгийг Дэлхийн эрүүл мэндийн байгууллагаас  тооцоолсон байдаг.
         Сүүлийн жилүүдэд амьсгалын замаар халдварладаг өвчнөөс гадна цэвэр тухайн хүнээс хамааралтай халдварт бус өвчлөл ихэсч байна.  Дасгал хөдөлгөөн хийхгүй, амьдралын буруу хэвшилтэй байвал зөвхөн өөрөөсөө болж чихрийн шижин, зүрх судасны өвчлөл зэрэг халдварт бус өвчин тусах  эрсдэл өндөр  байдаг байна.
         Энэ жил аймгийн Иргэдийн Төлөөлөгчдийн Хурал түүний Тэргүүлэгчдийн Хурлаас зохион байгуулах ажлын  гол зорилго нь   “Залуучуудад чиглэсэн бүхий л үйл ажиллагааг дэмжиж, тэдний эрүүл мэндийг хамгаалахад“ чиглэсэн арга хэмжээг дэмжиж ажиллахад чиглэгдэж ирлээ.  
         Аймгийн ИТХ-ын ажлын албанаас “Чөлөөт цаг ба дасгал хөдөлгөөн нэг өдөр” арга хэмжээг албан хаагчдынхаа дунд өрнүүлж,  короновирусын эсрэг бие организмын дархлааг дэмжин  эрүүл мэнд, спортын   арга хэмжээг идэвхижүүлэн ажиллав.  07 сарын 06-ны өдрийн зохион байгуулсан албан хаагчдын дундах  гар бөмбөгийн тэмцээнд Хуралдааны зохион байгуулалт хороодын хэлтэс түрүүлэв.     
           Түрүүлсэн тамирчиддаа амжилт хүсье.