Аймгийн Иргэдийн Төлөөлөгчдийн хурлын ээлжит 8 дахь удаагийн сонгуулийн анхдугаар хуралдаан 2020 оны 10 сарын 23-ны өдрийн  09 цагаас  Нутгийн Удирдлагын ордны Хурлын танхимд  хуралдав. Анхдугаар Хурлыг  хамгийн ахмад төлөөлөгч Ж. Эрдэнэбаатар үг хэлж нээсний  дараа төрийн дуулал эгшиглэв.

          Аймгийн ИТХ-д сонгогдсон 33 төлөөлөгч 100 хувийн ирцтэйгээр хурал   эхлэв. Шинээр сонгогдсон төлөөлөгчдөд энгэрийн тэмдэг, үнэмлэхийг гардууллаа.  Анхдугаар Хурлаар :  Аймгийн ИТХ-ын Төлөөлөгчөөр сонгогдсон тухай тогтоолын төслийг танилцуулах, Төлөөлөгчдийн бүрэн эрхийг хүлээн зөвшөөрөх тухай  болон зохион байгуулалтын асуудлуудыг хэлэлцэж, холбогдох шийдвэрийг гаргасан байна. Тухайлбал : Аймгийн Иргэдийн Төлөөлөгчдийн Хурлын даргаар Доржпүрэвийн Хосбаярыг  төлөөлөгчдийн 100 хувийн саналаар сонгов.  Үүний дараа аймгийн Иргэдийн Төлөөлөгчдийн Хурлын Тэргүүлэгчдийн бүрэлдэхүүнийг 11 хүний бүрэлдэхүүнтэй батлав. Үүнд: Д.Хосбаяр, П.Мөнхжаргал, Д. Ариунжаргал, Ж. Цээсүрэн, Г.Мөнхзаяа, Ч.Ганзориг, Х.Батмөнх, А.Батдэлгэр,  О.Батнасан, С. Түвшиндэлгэр, Р. Ганхуяг  нар аймгийн ИТХ-ын Тэргүүлэгчдээр сонгогдсон байна.

              Аймгийн Засаг даргад Манлайбаатарын Идэрбатын нэрийг нь дэвшүүлж, төлөөлөгчдийн  97 хувийн саналаар дэмжиж, Монгол Улсын Ерөнхий сайд У.Хүрэлсүхэд уламжлахаар болсон байна.  

            Аймгийн ИТХ-ын анхдугаар хурал” Хуралдааны дэг” баталснаар өндөрлөв.