Иргэдийн Төлөөлөгчдийн Хурлын дарга С.Од-Эрдэнээр ахлуулсан ажлын хэсэг Хэнтий аймгийн Галшар, Сүхбаатар аймгийн Мөнххаан, Дорноговь аймгийн Алтанширээ сумдад оторлож байгаа малчидын ахуй нөхцөл, өвөлжилтийн байдалтай газар дээр нь танилцаж, тухайн орон нутгийн удирдлагад тавих санал хүсэлтийг нь хэрхэн шийдвэрлэж байгаа талаар малчидтай ярилцсан байна. Мөн сумдын мал тооллогын комисс оторчдын малыг хэрхэн тоолж байгаад хяналт тавьж ажиллалаа.

Манай аймгаас Төв аймгийн нутаг дэвсгэрт 360 малчин өрхийн 270 орчим мянга, Хэнтий аймгийн нутагт 50 өрхийн 41.5 мянга, Сүхбаатар аймгийн нутагт 10 өрхийн 4.7 мянган толгой мал отроор өвөлжиж байгаа бөгөөд эдгээр аймгийн удирдлагуудтай уулзаж оторчдын ахуй амьдрал, нийгмийн асуудалд анхаарал тавьж, цаашид хамтран ажиллах талаар ярилцаж, ойлголцолд хүрлээ.