Хүүхэд багачуудад байгаль дэлхий ан амьтанаа хайрлан хамгаалах үзлийг төлөвшүүлэх, цагаан зээрийг устахаас хэрхэн урьдчилан сэргийлэх ажлыг дүрслэх урлаг, уран зургаар дамжуулан илэрхийлэх хүүхдийн бүтээлч сэтгэлгээ болоод эх оронч үзлийг төлөвшүүлэх зорилгоор 6-9 дүгээр ангийн сурагчдын дунд “Цагаан зээрээ хайрлан хамгаалъя” гар зургийн уралдааныг амжилттай зохион байгууллаа. Тус уралдаанд 50 гаруй бүтээл оролцож 1 дүгээр байрыг “Үр хойчдоо үлдээе” бүтээлээрээ 1 дүгээр сургуулийн 9Г ангийн сурагч О.Мөнгөншагай, Дэд байрыг “Ээж нь удахгүй ээ” бүтээлээрээ Уулбаян сумын ЕБС-ийн сурагч Л.Цэрэнпунцаг, Гуравдугаар байрыг Цагааан зээрийг хайрлан хамгаалъя бүтээлээрээ 1 дүгээр сургуулийн 9в ангийн сурагч М.Номинжин нар эзэлсэн болно.