Хөрш зэргэлдээ аймгуудад Корона вирусийн халдвар нэмэгдэж нөхцөл байдал хүндэрч байгаатай холбогдуулан аймгийн Гамшгийн эрсдэлийг бууруулах орон нутгийн зөвлөлийн гишүүд Мандалговь хотруу орох болон гарах хяналтын пост, худалдаа үйлчилгээ эрхлэгч аж ахуй нэгжүүд халдвар хамгааллын дэглэмээ мөрдөж байгаа эсэхэд хяналт тавьж ажиллаж байна.
Өнөөдөр буюу 2021 оны 04-р сарын 01-ний өдөр аймгийн ИТХ-ын нарийн бичгийн дарга Ц.Мөнгөнцоож аймгийн цагдаагийн газар, аймгийн онцгой байдлын газрын алба хаагчдын хамт хяналтын постод ажиллаж байна. Хил залгаа аймгуудад халдвар тархсан энэ үед аймгийн хэмжээнд хяналтаа сайжруулж, халдвар хамгааллын дэглэмээ мөрдөж иргэн бүр хариуцлагатай байхыг сануулж байна.
