Аймгийн ИТХ-ын дарга Б.Батжаргал, Засаг дарга Д.Золжаргал нар холбогдох газар, хэлтсийн удирдлагууд аймгийн Хөгжимт драмын театрын барилгын явцтай танилцаж, албаны хүмүүсээс мэдээлэл авлаа. Мөн цаашид авах арга хэмжээ, шийдлийг хэлэлцэж, ашиглалтанд орох хугацааг дахин сунгахгүйгээр, хүлээлгэн өгөхийн тулд үйл ажиллагааг эрчимжүүлхийг анхааруулсан юм. Түүнчлэн, тус барилгын нийт ашиглалтын талбай 11,080 мкв бөгөөд халаалт, дэд бүтцийн зардал маш өндөр гарахаар тооцоологдож байна. Иймээс дотоод үйл ажиллагааны менежментийн асуудал, бүтэц зохион байгуулалтыг оновчтой шийдвэрлэх нь чухал хэмээн уулзалтын төгсгөлд хэлэлцэв