Гамшгийн эрсдэлийг бууруулах орон нутгийн зөвлөлийн анхдугаар хурал цахимаар хуралдаж дараах асуудлуудыг хэлэлцлээ. Тус хуралд аймгийн ИТХ-ын дарга бөгөөд Гамшгийн эрсдэлийг бууруулах орон нутгийн зөвлөлийн дарга Б.Батжаргал, зөвлөлийн орлогч дарга В.Мөнхбат, зөвлөлийн нарийн бичгийн дарга ОБГ-ын дарга Д.Эрдэнэбаатар, ИТХТ-ийн нарийн бичгийн дарга Б.Батцэцэг нар оролцлоо.
Аймгийн гамшгийн нөхцөл байдал, коронавирусын халдварт цар тахлын нөхцөл байдал авч хэрэгжүүлж байгаа арга хэмжээний талаар, Гамшгаас хамгаалах орон нутгийн зөвлөлийн 2021 онд хийх ажлын төлөвлөгөөний төсөл танилцуулах, Гамшгийн эрсдэлийг бууруулах орон нутгийн зөвлөлөөс гарах зөвлөмжийн төсөл танилцуулж санал авах ,Орон нутгийн зөвлөлөөс гаргах зөвлөмжийг батлах, Коронавирусээс хамгаалах талаар уриалга гарган баталлаа.
