Тус өдрийг тохиолдуулан Монгол Улсын Ерөнхий сайд асан Ц.Жигжиджавын хөшөөнд цэцэг өргөх ёслол боллоо. Цэцэг өргөх ёслолын арга хэмжээнд аймгийн ИТХ-ын дарга Д.Хосбаяр, Баруун-Урт сумын ИТХ-ын дарга Т.Ихбаяр болон аймаг, сумын ИТХ-ын ажлын албаны ажилтан, хэлмэгдэгсдийн ар гэрийнхэн оролцлоо.
Баруун-Урт сумын ИТХ-аас жил бүр уламжлал болгон “Хэлмэгдүүлэлтийн хар шуурга” эсээ бичлэгийн уралдааныг зохион байгуулж байгаа билээ. Эсээ бичлэгийн уралдаанд 2-р БДС-ийн 11а ангийн сурагч О.Саранзаяа 1-р байр, 4-р БДС-ийн 10а ангийн сурагч Ч.Энххүслэн 2-р байр, 4-р БДС-ийн 12б ангийн сурагч Б.Номин-Эрдэнэ 3-р байр эзэлж өргөмжлөл, мөнгөн шагналаар шагнууллаа.
Мөн Хэлмэгдэгсдийг санан дурсах, тэдний гэгээн дурсгалыг хүндэтгэх арга хэмжээний хүрээнд аймгийн Эрдэнэмандал хийдийн лам нар ном хурж, 1000 зул өргөлөө.
