Төр болон төрийн бус байгууллага хамтын ажиллагааг сайжруулах, залуучуудын оролцоог нэмэгдүүлэх зорилгоор зохион байгуулагдсан Өөрчлөлтийг өөрөөсөө арга хэмжээ Сүхбаатар суманд зохион байгуулагдлаа. Уг арга хэмжээнд төр болон төрийн бус байгууллага, хувийн хэвшлийн 10 гаруй байгууллагууд нэгдэж оролцсон юм . Энэ үеэр сургалт мэдээлэл, хуулийн зөвөлгөө, өдөрлөг, эмчийн үзлэг, үсчин, гар утас засвар гэх мэт үйлчилгээг үзүүлж ажиллалаа. Уг арга хэмжээ нь аймгийн ИТХ-ын 17 дугаар тогтоолоор батлагдсан Сар бүрийн залуучуудыг дэмжих өдөр 4 сарын 25-ны өдөр зохион байгуулагдлаа. Мөн энэ үеэр Авилгын эсрэг хууль болон 110 утсыг сурталчилж ажиллав. Арга хэмжээнд 100 гаруй иргэд хамрагдсан юм.