Аймгийн иргэдийн Төлөөлөгчдийн Хурлын Нутгийн удирдлагын хөгжлийн хороо 83,3 хувийн ирцтэйгээр 2022 оны 04 дүгээр сарын 11-ны өдөр цахим болон танхимын хэлбэрээр хуралдлаа. Тус хорооны даргаар аймгийн Засаг дарга Ц.Мөнхбат, гишүүдээр Аймгийн ИТХ-ын төлөөлөгч Т.Мөнхбаяр, Л.Өлзийбүрэн, Э.Адьяабаатар, М.Баярсүх, Ч.Батмөнх нар сонгогдсон юм. Хорооны анхдугаар хуралдаанаар “Багийн хил заагийг батлах тухай” аймгийн ИТХ-ын 2019 оны 07 дугаар сарын 01-ны өдрийн 07 дугаар тогтоолын хавсралтад өөрчлөлт оруулах тухай, Аймгийн хэлний бодлогын салбар зөвлөлийн бүрэлдэхүүнд өөрчлөлт оруулах тухай, Аймгийн сонгуулийн хорооны бүрэлдэхүүнд өөрчлөлт оруулах тухай, Аймгийн ИТХ-ын ажлын албаны бүтэц батлах тухай, Нутгийн удирдлагын төлөөллийн байгууллагын төлөөлөгч сонгох тухай асуудлуудыг хэлэлцэн санал дүгнэлт гаргалаа. Мөн Хэлмэгдэгчдийн нэр төрийг сэргээж, дурсгалыг мөнхжүүлэх, соён гэгээрүүлэх ажлын төлөвлөгөөнд санал өглөө.