УЛСЫН АВАРГА МАЛЧИН ӨРХИЙН ШАГНАЛЫГ ГАРДУУЛАВ
УИХ-ын гишүүн Ё.Баатарбилэг, аймгийн ИТХ-ын дарга Б.Батжаргал, сумын удирдлагуудын хамт Улсын аварга малчин өрхөөр шалгарсан Цэцэрлэг сумын Хужирт багийн малчин Дэмидийн Очирхуяг, Эрдэнэмандал сумын “Алаг-Уул” багийн малчин Шаравдоржийн Пүрэвсүрэн, Өлзийт сумын Ямаат багийн малчин Нямдаагийн Ганбаатар, Батцэнгэл сумын Хөнөг багийн малчин Жанчиврэнцэнгийн Мөнхдэлгэр, Эрдэнэбулган сумын 6 дугаар багийн иргэн Чойнхорын Асарбат нарт цол, шагналыг гардуулан өглөө.
Уламжлалт малч ухаанаараа арвин шимт мал сүргээ өсгөн үржүүлж, аймаг орон нутгийнхаа эдийн засагт үнэтэй хувь нэмэр оруулсан хөдөлмөрийг нь үнэлж, Улсын аварга малчнаар шалгарсан нийт малчин өрхийн гэр бүлд нь эрүүл энх, аз жаргал, сайн сайхныг хүсэн ерөөе.
Эрдэнэт мал сүргийн ашиг шим нь арвижин дэлгэрэх болтугай.