Сонгуулийн хууль тогтоомжийг олон нийтэд тайлбарлан таниулах, сонгогчдын боловсролыг дээшлүүлэх, сургалт, судалгаа явуулах, сонгуулийн явц, хугацааны талаар сонгогчдыг мэдээллээр хангах үүргээ хэрэгжүүлэх зорилгоор #Хариуцлагатай сонгогч# сургалт зохион байгуулагдлаа. Тус сургалтын хүрээнд Монгол Улсын Сонгуулийн ерөнхий хорооноос 21 аймаг тус бүрт сургагч багш бэлтгэгдсэн бөгөөд “Хариуцлагатай сонгогч” сургалт нь “Сонгууль ба Сонгох, сонгогдох эрх”, “Сонгуулийн үйл явцыг ойлгох нь”, “Хариуцлагатай сонгогч байх нь” гэсэн гурван үндсэн модулийн хүрээнд зохион байгуулагдсан юм. Өнөөдөр Мэргэжлийн сургалт үйлдвэрлэлийн төв, Баруун-Урт сумын ерөнхий боловсролын сургуулийн нийт 25 сурагч хамрагдаж гэрчилгээгээ гардан авлаа. Гэрчилгээг аймгийн ИТХ-ын нарийн бичгийн дарга А.Чулуунбат болон сургагч багш нар гардуулав.