Сумын Иргэдийн Төлөөлөгчдийн Хурал нь энэ онд ээлжит хуралдаан 3, ээлжит бус хуралдааныг 2 удаа зохион байгуулж нийт 28 тогтоол шийдвэрийг баталсан байна.
Сумын ИТХ-аас 2021 оныг ИРГЭДИЙН ОРОЛЦООГ ДЭМЖИХ ЖИЛ, 2022 оныг “МАЛЧДЫН ОРОЛЦООГ ДЭМЖИХ ЖИЛ”, 2023 оныг “БҮТЭЭН БАЙГУУЛАЛТ-ХӨГЖЛИЙН ЖИЛ” болгон зарласан. Уулбаян сумын хувьд 2023 онд 563 сая төгрөгийн 19 ажил төлөвлөсөн байна.
2022 оны 06 сарын 03-ний өдрийн ИТХ-ын тогтоолоор байгуулагдсан Хоршоо хөгжүүлэх сангийн зээлийн ашиглалт, эргэн төлөлтөд хяналт тавих чиг үүрэг бүхий Хяналтын зөвлөлөөс 2023 оны 09 сард Хоршоо хөгжүүлэх сангаас 2022-2023 онд зээл авсан иргэдтэй уулзаж, төслийн хэрэгжилттэй танилцаж хяналт шалгалт хийж ажилласан.
Шинэлэг бүтээлч ажлаас дурдвал:
ЕБС-ийн 4-9 дүгээр ангийн сурагчдын дунд ИТХ-ын даргын нэрэмжит “МАТЕМАТИКИЙН ОЛИМПИАД”, "ХҮҮХЭД ХӨГЖИЛ-ХАМГААЛЛЫН ЖИЛ"-ийн хүрээнд Олон улсын хүүхдийн эрхийг хамгаалах өдрийг угтан 1-5 дугаар ангиудын сурагчдын дунд Монгол өв соёлоо дээдлэх, үндэсний бөхөөр барилдах дур сонирхлыг нэмэгдүүлэх зорилгоор "ҮНДЭСНИЙ БӨХИЙН БАРИЛДААН"-ийг зохион байгуулсан, Нүүдэлчин соёл ахуйн үр хойчдоо өвлүүлэн үлдээх, мал сүргээ уналга эдэлгээнд сургах, малын тамгаа соёлын өвд бүртгүүлэх, малын хулгайгаас урьдчилан сэргийлэх зорилгоор ТАМГАНЫ БАЯР-ыг хийж ажилласан, "ӨВ ТЭЭГЧ" тэмцээнийг зохион байгуулж зэргийг дурдаж болох юм.
