Аймгийн ИТХ-ын дарга Д.Хосбаяр, Нарийн бичгийн дарга А.Чулуунбат, ИТХ-ын Хүнс, Хөдөө аж ахуй, үйлдвэрлэл, үйлчилгээний хорооны дарга төлөөлөгч О.Батсайхан нар Хүнс, хөдөө, аж ахуйн газрын үйл ажиллагаатай танилцлаа.

Аймгийн ДНБ 2022 онд 785.4 тэрбум төгрөг ба салбарын эзлэх хувь: Аж үйлдвэр 33.3% /Уул уурхай 67.5%, ХАА-н салбар 47.2% Үйлчилгээний салбар 19.5 хувь бөгөөд нэг хүнд ногдох ДНБ 12.0 сая төгрөг байна.

Хүнс, Хөдөө, аж ахуйн газар нь Захиргаа аж ахуйн алба, Малын үржлийн алба, Үйлдвэрлэл худалдаа үйлчилгээ, Хяналтын гэсэн 4 албатай 24 хүний орон тоотой аймгийн Хүнс худалдаа, ЖДҮ, хоршоо, ахуй үйлчилгээ, газар тариалан болон мал үржүүлэг технологийн ажил үйлчилгээ, бэлчээр түүний усжуулалт, хадлан тэжээл бэлтгэл, эрсдэлээс урьдчилан сэргийлэх зорилгоор төлөвлөгөөт болон төлөвлөгөөт бус шалгалт зэрэг үндсэн асуудлыг хариуцан ажиллаж байна. Тус газар нь өөрийн доторх албадуудаар дамжуулан 13 сумын ХААТ, хувийн хэвшлийн мал үржүүлэг технологийн ажил үйлчилгээний 9 нэгж, Түмэнцогт ОНӨААТҮГ-ыг шууд удирдлагаар ханган ажиллаж байна.

Мөн энэ үеэр ИТХ-ын хурлын дарга Сүхбаатар хөгжил, үйлдвэр технологийн парк, Мал эмнэлэгийн газар болон шинээр баригдсан Ариутгалын пунктийн үйл ажиллагаатай танилцаж, цаашид хийх ажил болон тулгамдаад байгаа асуудлын талаар санал солилцлоо.