Энэ удаагийн ээлжит хуралдаанаар аймгийн 2024 оны төсөвт нэмэлт өөрчлөлт оруулах тухай, Үндсэн хөрөнгө худалдах, актлаж данснаас хасах зөвшөөрөл олгох тухай, Дуудлагын худалдааны талаар авах зарим арга хэмжээний тухай, “Цахим Сүхбаатар” дэд хөтөлбөр батлах тухай, Хамгаалалтын бүс тогтоох, Халзан, Мөнххаан сумын ерөнхий төлөвлөгөө батлах тухай, Аймгийн Иргэдийн Төлөөлөгчдийн хурлын сонгуулийн тойрог байгуулах, мандатын тоо, дугаар, нутаг дэвсгэрийн төвийг тогтоох тухай гэсэн 7 асуудлыг хэлэлцэн батлахаас 5 асуудлыг хэлэлцэж уг асуудлууд хуралдаанд оролцогчдын олонхийн саналаар дэмжигдлээ. Үндсэн хөрөнгө худалдах, актлаж данснаас хасах зөвшөөрөл олгох тухай асуудлыг Төлөөлөгчдийн саналаар ИТХ-ын дэргэдэх Төсөв, санхүү эдийн засгийн хорооны хурлаар оруулж дараагийн хуралдаанд хэлэлцүүлэхээр шийдвэрлэсэн бол Халзан, Мөнххаан сумын ерөнхий төлөвлөгөө батлах асуудлыг дараагийн хуралдаанаар хэлэлцүүлэхээр шийдвэрлэн хойшлууллаа.