Онцгой байдлын байгууллага байгуулагдсаны түүхт 20 жилийн ойн арга хэмжээг тохиолдуулан "Цэргийн ёслол, хүндэтгэлийн жагсаал" арга хэмжээнд аймгийн удирдлагууд оролцлоо.
Тус арга хэмжээнд Төрийн цэргийн болон Хууль сахиулах байгууллагууд болох аймгийн ОБГ-ын анги салбар нэгжүүд, Зэвсэгт хүчний 342 дүгээр анги, ШШГГ, Цагдаагийн газрын бие бүрэлдэхүүн алба хаагчид, үе үеийн ахмад ажилтан, офицер, ахлагч, албан хаагчид, ард иргэдийн төлөөлөл оролцлоо.
Аймгийн ИТХ-ын дарга бөгөөд гамшгийн эрсдлийг бууруулах нутгийн зөвлөлийн дарга Б.Батжаргал Эх орныхоо төлөө өөрийн бие сэтгэлээ зориулан эр зориг авхаалж самбаа, эр оронч үзлийн шалгуур болсон нэр хүндтэй өндөр хариуцлагатай үлэмж эрсдэлтэй энэхүү албанд амь насаа үл хайрлан зүтгэж ирсэн үе үеийн офицерууд, аврагч гал сөнөөгчид,тэдний гэр бүл үр хүүхдүүд дэмжиж тусалдаг иргэд байгууллага хамт олонд 20 жилийн баярын өдрийн мэндийг дэвшүүлэв.
Тус арга хэмжээний үеэр Онцгой байдлын албанд ажлын амжилт, үр бүтээлээрээ бусдыгаа хошуучилан ажиллаж буй алба хаагчдад төрийн дээд одон медаль, Засаг даргын жуухаар шагнаж урамшууллаа.
