Дарьганга сумын малчин Лхамсүрэнгийн Нанзаддорж нь эрдэнэт мал сүргийнхээ үр шимийг хүртэж, хөдөлмөрөө үнэлүүлж Сүхбаатар аймгийн Аварга малчин өрх хэмээх хүндтэй шагналын эзэн боллоо. Шагналыг аймгийн ИТХ-ын нарийн бичгийн дарга А.Чулуунбат, аймгийн ИТХ-ын төлөөлөгч Н.Сугаржав, С.Базаргордоо нар малчны хотонд нь гардуулж хүндэтгэл үзүүлэв. Өрхийн тэргүүн Л.Нанзаддорж нь нутаг усандаа хүндлэгдсэн нэгэн бөгөөд хөгжим тоглох, дуу дуулах сонирхолтой авьяаслаг малчин болохыг нутгийн олон шагшин магтаж байв. Л.Нанзандорж нь Улсын хэмжээнд зохион байгуулагдсан “Малчид дуулж байна” тэмцээнд удаа дараа амжилттай оролцож байжээ.