Өнөөдөр УИХ-ын гишүүн Ц.Идэрбат Сүхбаатар аймгийн ИТХ-ын дарга Д.Хосбаярын хамт Монгол улсын аварга малчнаар шалгарсан Мөнххаан сумын Бүрэнцогт багийн малчин Сүхээгийн Чулуунцэрэн, түүний хань М.Энхзул нарт шагналыг нь гардуулан өглөө. Ингэснээр тэртээ 1989 онд БНМАУ-ын аварга малчин болж байсан Сүхээ малчны хүүхдүүд болох Алтансүх, Чулуунцэрэн нарын ах дүү хоёулаа аварга сайн малчны удам гэдгээ баталж 2021, 2025 онуудад улсын аварга малчныг хүртэж, эдний хот айлд баярт үйл явдал болж байна.