Монгол Улсын Их Хурлын 2024 оны 06 дугаар сарын 05-ны өдрийн 72 дугаар тогтоолоор Сүхбаатар аймгийн Баруун-Урт сумыг “орон нутгийн зэрэглэлтэй хот” болгон баталсны дагуу тухайн хотын эдэлбэр газрын хэмжээ, хил заагийг тодорхойлох ажил явагдаж байгаа.
Энэхүү ажлын хүрээнд Газар зохион байгуулалт, геодези, зураг зүйн ерөнхий газрын 2025 оны 1/1940 тоот албан бичгээр ирүүлсэн хүсэлтийн дагуу Сүхбаатар аймгийн Иргэдийн Төлөөлөгчдийн Хурлын ээлжит VI хуралдаанаар орон нутгийн зэрэглэлтэй хотын эдэлбэр газрын хил заагийн саналыг хэлэлцэн 63 хувийн саналаар баталж, уг саналыг Засгийн газрын холбогдох байгууллагад уламжлахаар боллоо.
