Аймгийн Морин спорт, уяачдын холбооны Тэргүүлэгчид 2015 оны 02 дугаар сарын 06-ны өдөр хуралдаж, хаврын бүсийн уралдааны товыг тогтоолоо.

Хаврын тэргүүн сарын шинийн 4 буюу 2015 оны 02 дугаар сарын 22-ны өдөр Азарга, Их нас, Соёолон насны баруун бүсийн уламжлалт уралдааныг “Булган суманд”, Хаврын тэргүүн сарын шинийн 6 буюу 2015 оны 02 дугаар сарын 24 –ний өдөр Азарга, Их нас, Соёолон насны зүүн бүсийн уламжлалт уралдааныг “Хашаат суманд”, Хаврын тэргүүн сарын шинийн 10 буюу 2015 оны 02 дугаар сарын 28 –ны өдөр Азарга, Их нас, Соёолон насны төвийн бүсийн уламжлалт уралдааныг “Батцэнгэл суманд”, Хаврын тэргүүн сарын шинийн 15 буюу 2015 оны 03 дугаар сарын 05-ны өөр Азарга, Их нас, Соёолон насны шилмэл морьдын уралдааныг Цэнхэр “Өргөөтийн тал”-д тус тус зохион байгуулахаар тогтсон байна.

Хурдан морины уралдааныг бэлтгэл, зохион байгуулах комисст аймгийн Морин спорт уяачдын холбооны нарийн бичгийн дарга /Д.Отгонбат/, Цагдаагийн газрын дарга /Р.Болдбаатар/, Хүнс хөдөө аж ахуй, жижиг дунд үйлдвэрийн газрын дарга /Ч.Баасан/ нар орсон байна.