"ОРОН НУТГИЙН ХӨГЖЛИЙН ТӨЛӨӨ-ХАМТДАА" ТАЙВАН ЖАГСААЛ БОЛЛОО

2015-05-13

Аймгийн ИТХ-аас санаачилан орон нутгийнхаа бүтээн байгуулалтыг дэмжин хөгжүүлэх, байгаль орчин, ногоон дэлхийгээ хайрлан хамгаалах, цэвэр ариун байлгахад иргэн бүрийн үүрэг, оролцоог нэмэгдүүлэх, тэдэнд нөлөөлөх, уриалан дуудахад хүүхдүүд хувь нэмрээ оруулах боломжийг бүрдүүлэх зорилготой "ОРОН НУТГИЙН ХӨГЖЛИЙН ТӨЛӨӨ-ХАМТДАА" тайван жагсаал өнөөдөр амжилттай зохион байгуулагдаж байна.

Жагсаалд аймгийн ИТХ-ын дарга болон зарим хэлтэс агентлагын дарга нар хамт алхлаа.

Энэхүү жагсаалд аймгийн ЗДТГазар, Хүүхэд гэр бүл хөгжлийн хэлтэс, Байгаль орчин, аялал жуулчлалын газар, Цагдаагийн газар, Эрдэнэбулган сумын ЗДТГазар, Хот тохижилт үйлчилгээний газар, Эрдэнэбулган сумын Ерөнхий боловсроын сургуулиуд, Дэлхийн зөн олон улсын байгууллагын Архангай дахь 1, 2-р салбар, аймгийн Улаан Загалмайн хороо, Хүүхдийн оролцооны байгууллагууд нэгдэж оролцлоо.

Ерөнхий боловсролын сургууль тус бүр уриалга, туг нэгдсэн байдлаар бэлтгэн насанд хүрэгчдийг уриалан жагсаалд оролцов.