Хувилгааныг тодруулахаар 1989 онд Далай багшид айлтгал өргөж Архангай аймагт төрсөн 1600 хүүхдээс шалган, 1999 онд Зая гэгээний XV хувилгаан мөн хэмээн тодруулжээ. Хувилгаан тодорсон цагаасаа номонд хичээж нутгийн гавж Ц.Отгонбаяраар төвд үсэг заалган, нутгийн сүсэгтэн олны хүсэлтээр Архангай аймагт Ламын цогчид өргөж, уул усны тайлга, тахилга үйлдэж өөрийн хийдийн гол шүтээний нэг болох Балданлхам бурханы хос мөнгөн бишгүүрийн хамт хойморт нь залж, хоёр арслан бүтээн үүлийг нь мануулж байжээ. 
Гэгээнтэн өнөөдрийн билэгт сайн өдөр Булган хайрхан уулаа тахиж, сүсэгтэн олондоо адис ерөөлөө айлтгалаа. Булган хайрхан уулын тэнгэрийг тайх ёслолд аймгийн ИТХурал идэвхи зүтгэл гарган оролцож, буяны энэхүү сайхан үйл хувь нэмэр орууллаа.
Булган хайрхан уулын тэнгэрийг тайх ёслолын айлтгалыг Аймгийн Иргэдийн Төлөөлөгчдийн Хурлын дарга Ч.Мөнхбат уншиж сүсэгтэн олонд толилууллаа.
