Жил бүр шинэ оны босгон дээр салбарын тэргүүнүүдийг тодруулдаг уламжлалтай.  Үүний дагуу 2015 оны салбарын шилдгүүдийг тодруулж шагнал гардуулаа.

2015 оны тэргүүний төрийн захиргааны албан хаагчаар ХХААГ-ын Мал аж ахуйн хэлтсийн дарга  Б.Нямдаваа, тэргүүний санхүүчээр аймгийн ЗДТГ-ын Санхүү төрийн сангийн хэлтсийн дарга М.Гүрсүрэн, тэргүүний хуульчаар ШШГА-ны шийдвэр гүйцэтгэгч А.Сүрэнгэрэл, тэргүүний сургуулийн захирлаар Батцэнгэл сумын ЕБС-ийн захирал Ч.Сайнбаяр, тэргүүний сургалтын менежерээр Эрдэнэбулган сумын 3-р сургуулийн менежер Л.Уранчимэг, тэргүүний багшаар Эрдэнэбулган сумын 1-р сургуулийн багш Г.Лхагвасүрэн, тэргүүний бага ангийн багшаар ЭБ сумын 3-р сургуулийн багш Н.Туяацэцэг, тэргүүний цэцэрлэгийн эрхлэгчээр ЭБ сумын 4, 13-р цэцэрлэгийн эрхлэгч А.Мөнхдэлгэр, тэргүүний цэцэрлэгийн багшаар ЭБ сумын 8-р цэцэрлэгийн багш Д.Энхтуяа, тэргүүний туслах багшаар ЭБ сумын Ирээдүй цэцэрлэгийн туслах багш Д.Алтандолгио, тэргүүний мэргэжлийн уран бүтээлчээр Хөгжимт драмын театрын найруулагч Б.Батдэлгэр, тэргүүний газар тариалан эрхлэгчээр ЭБ сумын 3-р багийн иргэн Б.Эрдэнэбат, тэргүүний дасгалжуулагчаар Спортын төрөлжсөн сургалттай ЕБС-ийн жүдо бөхийн багш дасгалжуулагч Б.Батдэлгэр, тэргүүний тамирчнаар Спортын төрөлжсөн сургуулийн 12а ангийн сурагч Э.Уртнасан, тэргүүний үйлчилгээний ажилтнаар Хот тохижилт үйлчилгээний газрын жолооч, гүний мастер С.Сайнбилэг, тэргүүний энхийг сахиулагчаар ОБГ-ын эрэн хайх аврах салбарын аврагч Ш.Булгантогтох нар тус тус шалгарсан юм.