Аймгийн онцгой комиссын ээлжит хурлаар өвөлжилт хүндэрсэн сумдад өвс тэжээл хувиарлан хүргэх, Эрдэнэбулган сумын нутаг дэвсгэрт дэлгэрээд буй булаг шандны асуудлаар хэлэлцэн даруй авах арга хэмжээг түргэвчилж эхэллээ.
Архангай аймгийн нийт нутгаар цас орсноос Чулуут, Цэцэрлэг, Жаргалант, Өндөр-Улаан сумдад өвөлжилт хүндэрч Тариат, Хангай, Цахир чиглэлд зудын байдалтай өвөлжиж байна.
Аймгийн онцгой комисс нийт сумдад ажиллаж ирээд дээрх сумдад аймаг болоод улсын нөөцийн өвс тэжээлийг тодорхой журмын дагуу хуваарилан олгож, сумдруу хүргэх ажлыг зохион байгуулж эхэллээ. Аймгийн төвийн хувьд өвөлжилт хэвийн байна.
Хонин жилийн өвлийн бэлтгэл ажлыг зохион байгуулах тухай бүх шатны Засаг дарга нар болоод албан байгууллагын удирдлагуудад аймгийн Засаг даргын албан даалгавар өнгөрсөн гуравдугаар сард очсон бөгөөд шаардлагатай өвс тэжээл, түлээ нүүрс, хүнс, хувцас хэрэглэлийг малчид төдийгүй төрийн байгууллагын түвшинд бэлтгэж нөөцөлсөн болохыг аймгийн онцгой комиссын төлөөлөл бидэнд хэлж байлаа.
Өвс тэжээл ачсан цуваа сумдруу гарсан бөгөөд үүнчлэн малын тэжээлийг малчдад зохих журмын дагуу 50% хямдруулан олгож байгаа аж.
