Архангай аймаг цагаан идээгээ нутгийн брэнд болгосон байдаг. Тэр дундаа Чулуут сум аймагтаа төдийгүй улсын хэмжээнд идээнийхээ амт, чанараар гайхагддаг. Чулуут сумын ЗДТГ-аас сум орон нутгаа сурталчлах, малчдынхаа амьжиргааг дээшлүүлэх зорилгоор “Чулуут сумын цагаан идээ” үзэсгэлэн худалдааг нийслэл хотод зохион байгуулдаг уламжлалыг тогтоод байна.

МУ-ын ЗГ-аас 1998 онд хэрэгжүүлсэн “Цагаан хувьсгал” хөтөлбөрийн хүрээнд “Чулуут сумын цагаан идээ” үзэсгэлэн худалдааг анх зохион байгуулж байжээ. 2014 оноос эхлээд Чулуут сумын ЗДТГ сумын хэмжээний арга хэмжээ уламжлал болгон зохион байгуулж байгаа юм. Энэ жил 18 дахь жилдээ зохион байгуулахаар Чулуутынхны цуваа нийслэлийн зүг ийнхүү явж байна. Өнгөрсөн жилийн хувьд “Чулуут сумын цагаан идээ” үзэсгэлэн худалдаагаар 1 өрх дунджаар 4-5 сая төгрөгийн борлуулалтыг хийжээ. Тиймээс ч өөрсдийн боловсруулсан цагаан идээгээ борлуулах хүсэлтэй өрхийн тоо жил ирэх тусам нэмэгддэг байна. Энэ жилийн тухайд үзэсгэлэн худалдаанд оролцохоор 80 гаруй өрх цагаан идээгээ авч яваа юм байна. Чулуут сумын цагаан идээ үзэсгэлэн худалдаагаа энэ сарын 15-наас 25-ныг хүртэл УБ хотод зохион байгуулагдана.