Жилийн эцсийн өрх, хүн ам, хөдөө аж ахуйн тооллого 2016 оны 12 дугаар сарын 07-17-ны өдрүүдэд орон даяар явагдаж байгаа тул ИРГЭД та бүхэн маань тооллогодоо идэвхтэй хамрагдаарай.
Жилийн эцсийн өрх, хүн ам, хөдөө аж ахуйн тооллогод мал бүхий байгууллага, иргэд, малчид маань аймгийн Засаг даргын А/382 дугаар захирамжаар дараах үүрэгтэй оролцоно.
1. Өрх, хүн ам, мал тооллоготой холбогдол бүхий Статистикийн, Захиргааны хариуцлагын, Малын удмын сан, эрүүл мэндийг хамгаалах тухай хуулийн өөрт хамааралтай заалтуудыг чанд мөрдөж, улсын мэдээ, тайлан, тооллого, бүртгэлийн ажилд идэвх, санаачлагатай оролцож, үнэн зөв мэдээлэл өгч, хуулиар хүлээсэн үүргээ нэр төртэй биелүүлэх.
2. Хүн ам, өрхийн мэдээллийн санд өрх, хүн амынхаа гишүүдийн өөрчлөлт, хөдөлгөөн болон шинэчилсэн мэдээллийг өөрийн биеэр үнэн зөв бүртгүүлж, баяжилт хийлгүүлэх.
3. Өрх, хүн ам, мал, тэжээвэр амьтдын тухайн жилийн орлого, зарлагын хөдөлгөөний бүртгэлийг урьдчилан цэгцэлж, үнэн зөв мэдээлэл өгөх бэлтгэлийг хангасан байх.
4. 12-р сарын 7-ноос 17-ны хооронд тооллого явагдах учир өрх, хүн ам шилжих, мал худалдах, шилжүүлэх, нядалгаа хийх, нүүдэллэх зэрэг хүн, малын хөдөлгөөнтэй холбогдсон асуудлыг түр зогсоож, засаг захиргаа завсардах, бүртгэлээс хоцрох, хаягдах, эсвэл давхар бүртгэгдэх зөрчлийг гаргахгүй байх.