Үхрийн хорт салст халуурал өвчин 2012, 2016 онд Цэнхэр сумын Буйлан багт, өнгөрөгч 9-р сард Өгийнуур сумын Орхон багт гарсан болох нь оношлогджээ. Холбогдох газруудаас уг өвчинтэй тэмцэх зааврын дагуу холбогдох арга хэмжээг авч ажиллаж байна. Аймгийн Мал эмнэлгийн лабораторийнхон өнгөрөгч 9-р сарын 20-нд өвчний талаарх албан ёсны дуудлагыг хүлээн авч, газар дээр нь очиж мэргэжил арга зүйн зөвлөгөөг өгч урьдчилсан байдлаар үхрийн хорт салст халуурал өвчин мөн болохыг тодорхойлжээ. Энэ дагуу 9-р сарын 29-с 14 хоногийн хорио цээрийн дэглэмийг баримтлан ажилласан ба энэ сарын 13 -ны байдлаар хорио цээрийн дэглэмийг ахин сугаж ажиллах мэргэжлийн байгууллагын дүгнэлт гарчээ. Өвчний улмаас Өгийнуур сумын нэг малчин айлын 12 толгой мал өвчилж, зааврын дагуу устгал хийсэн байна. Одоогоор өвчний голомтод аймгийн онцгой комиссын ажлын хэсэг газар ажиллаж, мэргэжил арга зүйн зөвлөгөөг өгч, хорио цээрийн дэглэмд хяналт тавин ажиллаж байна.
Үхрийн “хорт салст халуурал”-өвчин нь герпес вирусээр үүсгэгддэг, салст бүрхүүл үрэвсэх, зовхи хавдаж нулимас гоожих, нүд цийх, биеийн халуун огцом нэмэгдэж, чацга алдах шинж тэмдэг илэрч мал өвчилсөн тохиолдолд үхдэг халдварт өвчин юм. Хонь, ямаа архаг хэлбэрээр хөнгөн өвчилж өнгөрдөг тул үхэр халдварлах гол эх уурхай нь болдог байна. Халдвар тараах зам нь сайтар судлагдаагүй тухайн мал амьтны дархлаа сулрах үед өвчилдөг байна. Энэ өвчний үед гойд үр дүнтэй эмчилгээний арга боловсрогдоогүй, урьдчилан сэргийлэх вакцин үйлдвэрт нэвтрээгүй байна.
Сүхбаатар аймгийн Иргэдийн Төлөөлөгчдийн хурал
Сүхбаатар аймгийн Иргэдийн Төлөөлөгчдийн хурал
Албан ёсны цахим хуудас Албан ёсны цахим хуудасҮХРИЙН ХОРТ САЛСТ ХАЛУУРАЛ ӨВЧНИЙ ХОРИОГ СУНГАВ
2016-10-15
Фото мэдээ
Хурлын хороод
Ярилцлага
Үйл явдлын мэдээ
ИТХ-ын мэдээ
НИЙТЛЭЛ, ӨГҮҮЛЭЛ
Видео мэдээ
Архангай хөтөч