Арын сайхан хангай нутгийн хөдөлмөрч бүтээлч зон олондоо айсуй шинэ оны мэндийг хүргэж, аз жаргал, эрүүл энх сайн сайхан бүхнийг хүсэн ерөөе. 

Өнгөрч буй 2016 он УИХ, Аймаг, сумын Иргэдийн Төлөөлөгчдийн Хурлын сонгуулиуд амжилттай явагдаж, ирээдүйн их хөгжлийн эх суурийг тавьсан чухал үйл явдлаар дүүрэн жил байлаа. 

Ирж буй шинэ он нийгэм, эдийн засгийн хүндрэл бэрхшээлийг шийдвэрлэх арга замыг хамтран эрэлхийлсэн, тогтвортой хөгжлийн зам дээр бат зогссон, эв нэгдэл, зөвшилцлийг эрхэмлэн дээдэлсэн, бүтээлч ажил өрнүүлсэн, эцсийн дүндээ Монгол хүн бүрийн аж амьдрал дээшилсэн жил байгаасай гэж хүсч байна. 

Аймгийн ИТХ-ын дарга миний бие нутгийн зон олон та бүхэнтэйгээ хамтран ажиллаж, түмэн олны санал санаачлагыг дэмжин, олон зүйлийг хийж бүтээхийг эрмэлзэн зорьж байна.

Ирж буй шинэ ондоо урд оны амжилт ололтоо улам бататган шинэ санаа, шинэ зорилгыг дэвшүүлэн, бүтээлч санаачлагатай ажиллахыг нийт Архангайчууддаа уриалж байна.

Та бүхэн минь шинэ ондоо эрүүл энх байж амжилт ололт, аз хиймориор дүүрэн байхын өлзийтэй ерөөлийг өргөн дэвшүүлье.

АЙМГИЙН ИТХ-ЫН ДАРГА         Б.ӨСӨХБАЯР