БСШУ-ны Сайдын тушаалаар Монгол улсын “Зөвлөх багш” мэргэжлийн тэргүүлэх зэргийг МГСС-ийн математикийн багш Ц.Ганхуяг, “Мандал” сургуулийн бага ангийн багш С.Даваажав авлаа.Зөвлөх багш нь хүүхэд хөгжүүлэх арга технологитой байх, түүнийгээ үндэсний болон орон нутгийн 3-4 сургуульд түгээн дэлгэрүүлсэн, багшийн хөгжилд хувь нэмэр оруулсан байх, хүүхэд хөгжүүлэх хамтын судалгааг хийсэн байх зэрэг шаардлага хангасан байх ёстой аж. Энэхүү тэргүүлэх зэрэг нь ЕБС-ийн багш нарт олгодог хамгийн өндөр зэрэг бөгөөд 10 жил хүртэл хугацаатай, хүчин төгөлдөр юм.