Хүүхэд багачуудыг шатрын спортоор хичээллүүлэх сонирхолыг нэмэгдүүлэх, тэдний оюуны чадамжийг дээшлүүлэх, тоглох ур чадварыг нээн илрүүлэх, бүс, улс, олон улсын тэмцээнд амжилт гаргах боломжийг бүрдүүлэх, шатрын спортыг хөгжүүлэхэд хувь нэмэр оруулах зорилгоор аймгийн ИТХ-ын даргын нэрэмжит өсвөрийн шатарчдын "Их нүүдэл" тэмцээнийг 4 сарын 12-13-нд аймгийн хэмжээнд зохион байгуулж байна. Уг тэмцээнийг жил бүр уламжлал болгон явуулах бөгөөд ЕБС-ийн сурагчдын дунд 3 насны ангилалаар 2 үе шаттайгаар зохион байгуулагдах юм.